Зајкова со честитка за Меѓународниот ден на Ромите – инклузивноста не е луксуз, туку основа на секоја вистинска демократија

Од:

Претседателката на Либерално-демократската партија (ЛДП) и пратеничка во македонското Собрание, Моника Зајкова, во објава на социјалните мрежи го честиташе Меѓународниот ден на Ромите и повика на заедничка работа за создавање на рамноправно општество, кое ги вреднува сите граѓани подеднакво.

„Ромската заедница во Македонија е составен дел од нашето минато, нашата сегашност и иднина. Но во реалноста, многу наши сограѓани Роми сè уште живеат на маргините на општеството – со ограничен пристап до образование, вработување и право на достоинствен живот“, пишува во својата објава Зајкова.

Таа додава дека денеска, на Меѓународниот ден на Ромите, се потсетуваме дека инклузивноста не е луксуз, туку таа е основа на секоја вистинска демократија.

„За да постигнеме вистинска еднаквост не се доволни само зборови, туку и дела. Наша должност и обврска е да изградиме заедничко општество во кое сите, без исклучоци, ќе имаат еднакви можности. Повикувам да работиме заедно за општество кое не прави разлика помеѓу граѓаните, ги вреднува сите подеднакво и овозможува рамноправност на сите полиња за секого“, завршува во својата честитка претседателката на ЛДП, Моника Зајкова.

Би можело да ве интересира

Алиу: Продолжуваме со инвестиции во здравството – надградба на хибридната сала на Клиника за државна кардиохирургија, единствена од ваков тип во државата и регионот

Мицкоски: Кога светски експерт како Кедев кажува нешто, мора да има позадина – целосно ќе се проверат сите индиции, одговорност ќе има

Мицкоски: Од 1 октомври покачување на пензиите, следното зголемување напролет

Предраг Петровиќ

Меморандум за соработка помеѓу Општина Куманово и Хуманитарно здружение “Мајка”

Левица бара итна мерка од Уставниот суд против забраната за платено политичко рекламирање

Андоновска: Судијката Алексовска Стојановска, која го пушти Васил Јованов убиецот на Фросина во Поправен дом наместо во затвор, во својот дом имаше партиски штаб на СДС