Кандидатот за градоначалник на Штип од ВМРО-ДПМНЕ и коалицијата Илчо Захариев на денешната прес-конференција истакна дека му претстои уште еден четиригодишен манадат во кој ќе ги реализира сите проекти кои, како што рече, се реални и согласно потребите на граѓаните.
– Програмата е остварлива. Имаме добри проекти и верувам дека тие ќе заокружат нешто што го започнавме во минатиот мандат. Нашите политички конкуренти во недостиг на идеи, во состојба на безидејност и немање добра програма во оваа кампања се служеа со лаги, клевети и црна кампања, рече Захариев.
Тој истакна дека граѓаните се тие кои ќе одлучат на 15 октомври дали ќе гласаат за искуство, работливост, знаење и посветеност или за лагите, клеветите и црната кампања.
Захариев посочи дека на градот Штип му претстојат 450 проекти.
