Мотоциклист починал во болница откако во саботата излетал од патот Градско – Прилеп кај селото Оревоец, пренесе Макфакс.
Сообраќајката се случила кога мотоциклистот со мотор Томос излетал од патот и се здобил со тешки повреди. Веднаш бил пренесен во прилепската болница, но поради тешките повреди е префрлен во Ургентниот центар во Скопје, каде по два дена од сообраќајката починал.
Идентитетот на мотоциклистот сè уште не е познат бидејќи моторот немал регистарски таблици, а починатиот најверојатно не носел лични документи во себе.