Загадувачот „Пејпер мил“ од Кочани се затвора, не било исплатливо да работат на метан

Од:

По последната опомена на Државниот инспекторат за животна средина, кога наложи фабриката „Пејпер мил“ од Кочани  да користи метан за енергенс, сопственикот донел одлука да ја затвори. Ова решение на бугарскиот стопанственик е со образложение дека не му е исплатливо да го користи овој енергенс.

Оваа фабрика за хартија беше неколку пати опомената од ДИЖС дека загадува работејќи на согорување пелети. Жителите на Кочани веќе две години алармираа за загаденоста што ја чувствуваат од црниот чад што излегува од фабриката.

Производствениот процес сега е целосно запрен, а неизвесно останува што ќе се случи со 120 вработени во фабриката. Одговорниот од македонска страна за работата на „Пејпер мил“ вели дека мерењето на нивните лаборатории, кои потврдиле дека работата на пелети не загадува, е релевантно и дека не им се исплатува да работат на метан, како што им наложил Инспекторатот.

„Две лаборатории мереа загадување на оџакот во ‘Пејпар мил’ во присуство на инспектор. Инспектори на Државниот инспекторат за животна средина на 30.12.2020 година извршија надзор во кочански ‘Пејпар мил’ и при мерењето на емисии од оџакот, како што се очекуваше, чадот што се испушташе беше прозирен и со помал интензитет. Тоа се должеше на специјален режим на комбинирано согорување на метан и пелети во однос 60% метан и 40% пелети при производството на хартија. Две лаборатории од 9:30 до 16:00 часот вршеа мерење на прашина и отпадни гасови, во присуство на инспектор. Откако заврши мерењето, во вечерните часови, инспекторот се врати повторно на локацијата. Чадот беше со истиот слаб интензитет, проѕирен, односно непроменет во однос на периодот кога се вршеа мерењата. Од резултатите на мерењата, кои се очекуваат во текот на наредната недела, ќе зависи дали ќе се нареди горење исклучиво на метан или ќе се применат други мерки. Доколку со овој режим на работа не се надминат граничните вредности за емисии, истиот ќе мора да се одржува до вградување на филтерот. Мерењата ќе продолжат и во наредниот период за да се обезбеди почитување на законските одредби и наредбите на Инспекторатот“, објави ДИЖС минатата недела.

Би можело да ве интересира

ДИЖС: Во „Дрисла“ се горел опасен отпад иако нема соодветна инсталација

Ана Ололовска

Стојковски: ДИЖС учествувал во издавањето дозвола за одложување опасен отпад на „Дрисла“

Ана Ололовска

Петровска: Зголемен обемот на надзори, поведени 43 прекршочни постапки, изречени се 36 санкции

Катерина Павлова-Николовска

Изречена казна од 20.000 евра за испуштање мазут во Вардар кај Градско

Ана Ололовска

ДИЖС: Извршен надзор над депонијата во Росоман, изречени казни

Ана Ололовска

Енормното загадување во Кичево е грешка – снемало струја кај мерната станица, велат надлежните

Жарко Настоски