Лидерот на СДСМ Зоран Заев денеска на прес конференција, одговарајќи на новинарски прашања рече дека нема шанси да се прифатат и да завршат работа странски набљудувачи со обвинителот Марко Зврлевски.
„Марко Зврлевски и Јован Илиевски, обвинителот за организиран криминал, баџанак на Сашо Мијалков треба да ги тргнат канџите од чесните луѓе во обвинителството. Ова е сериозен процес, ова ќе е крај, важно е за граѓаните“, рече Заев.
Посочи дека неколку амбасадори веќе ги добиле папките со прислушуваните разговори.
Ќе биде, рече, обелоденет и случајот Монструм, колку и да не им се допаѓа на некои групи, како и сите криминали, тендери на власта.