Заев: Злосторството нема да остане неказнето

Од:

Претседателот на СДСМ, Зоран Заев реагираше по спроведувањето на новинарот Томислав Кежаровски во затворот во Шутка. Тој на својот Фејсбук профил напиша дека ова е последен пат власта да си игра со човечките судбини.

Вечерва се случи најкукавичкиот, најподлиот, најсрамниот и најбруталниот чин на урнисување на човековите права, со што Македонија во секој поглед го достигна дното на сите дна.

Итното приведување на новинарот Томислав Кежаровски за издржување на затворската казна е настан од кој треба да се срами цела држава. Вечерва и на најзакоравените поддржувачи на ВМРО ДПМНЕ и на сите оние кои се уште веруваа дека постои барем една трошка од некаква слобода и демократија во оваа наша земја, веројатно им станува јасно дека Македонија ги губи сите нишани на една нормална држава. Сега и најголемите скептици во рангирањето на Македонија на 123 место во слободата на медиумите, зад Мали, Либан, Конго, Никарагва, Уганда, Мозамбик и други слични земји, стануваaт свесни за поразителната вистина дека Македонија е на работ на бездната од која нема враќање.

По кој знае кој пат Груевски со лик на најголема кукавица ја применува излитената тактика, во негово отсуство да теледиригира бездушно злосторство, демонстрирајќи сила и грубо кршење на сите можни човекови права. На оној, кој често пати се жали дека му е нанесена душевна болка, а самиот и нанесува душевна болка на Македонија и нејзините граѓани, треба да му биде јасно дека злосторството нема да остане неказнето. Не е прв пат власта да си игра со човечки души и судбини, но нека знае дека тоа ќе и биде последен пат. Засрамeте се од нечовечкиот однос кон човекот, новинарот Кежаровски. Но бидeте сигурни, на ова ваше лудило му доаѓа крајот, напиша Заев.

Screenshot_15

Би можело да ве интересира

(ВИДЕО) Кузеска: Една недела нема одговор од Савески за Алта банка и кривичната – им купува време на Мицкоски и Славески?

А1он

СДСМ: Мицкоски и Кочоска најавуваат задолжување од 2 милијарди евра во 2027 година

А1он

(ВИДЕО) Тренчевска: Насилникот од Охрид не е сам – проширување на истрагата и казни за сите што му помагале да се заташка

СДСМ: Тепачот на Сара, насилникот од Охрид бил пуштен на слобода поради врски со ВМРО – ДПМНЕ

СДСМ: Партиските редови денес се почисти, а ЗНАМ се фали со своите нови платеници

А1он

СДСМ: Според ММФ, Македонија е меѓу последните европски економии според БДП по жител

Горан Наумовски