„Претседателот на СДСМ, Зоран Заев, оствари средба со извршниот директор на словенечката Стопанска комора, Хрибар Милиќ, на којашто се разговараше за прашања од економската сфера и околу соработката меѓу двете земји на економски план.
Податокот што најголемите словенички компании се пристуни во Македонија го покажува интересот на словенечкиот капитал за инвестирање во земјата, меѓутоа потребни се системски реформи во Македонија за продлабочување на соработката и за отварање на пазарот за нови инвестиции, соопшти претседателот на словенечката Стопанска комора, Милиќ.
Вискокиот претставник на словенечката Стопанска комора посочи дека дел од проблемите со коишто се соочуваат словенечките бизнисмени во Македонија се поради нефункционирање на правната држава и одлоговлекување на судски спорови во неразумен рок.
Претседателот Заев нагласи дека една од клучните заложби на СДСМ е неопходната департизација на институциите во Македонија и независно судство. Казнените политики треба драстично да се променат и да не се користат како начин и метод на репресија над бизнисите“, соопштуваат од СДСМ.
– Идната Влада предовдена од СДСМ ќе отвори простор за развивање на соработката помеѓу двете држави на економски план, според потребите на двете земји, рече претседателот Заев.
Тој најави проширување и интензивирање на соработката со Словенија во сферите на земјоделството и туризмот.
Претседателот Заев и извршниот директор на словенечката Стопанска комора, Милиќ, разговараа околу можностите за помош и поддршка што може да ги даде комората на Словенија на компаниите од Македонија, коишто се заинтересирани да ги продаваат своите производи во Словенија. Директорот Милиќ најави заложби на тој план и овозможување контакти и средби на компаниите од Македонија со словенечки фирми.