Заев: Уверени сме дека оваа година ќе почнеме преговори за членство со ЕУ

Од:

По денешната средба со германската канцеларка Ангела Меркел уверени сме дека оваа година започнуваме преговори за членство со Европската Унија. Канцеларката потенцираше дека Северна Македонија го испорача очекуваното, следува позитивна согласност на Бундестагот во септември за прифаќање на препораката на Европската Комисија за почеток на преговори, изјави денеска премиерот Зоран Заев во Берлин.

– Со канцеларката Меркел имавме срдечна и пријателска средба, каква што личи меѓу земји стратешки партнери по многу прашања од заеднички интерес. Канцеларката Меркел информираше дека Бундестагот ќе донесе одлука во септември за одобрување на старт на преговорите на ЕУ со Северна Македонија, согласно утврдените процедури на СР Германија за прашањата за проширување на унијата. На средбата канцеларката потенцираше дека Северна Македонија го испорача очекуваното и дека таа и Берлин на тоа гледаат многу позитивно.

Од наша страна потврдивме дека Република Северна Македонија има целосна доверба во канцеларката Меркел и ја поддржува нејзината политика за процесот на проширување на ЕУ, како и нејзината политика кон Западен Балкан. На средбата нагласивме дека радува фактот што Министерството за надворешни работи на СР Германија има позитивен став за нашата земја во однос на започнувањето на преговори за членство во ЕУ, и дека треба да се испочитуваат процедуралните постапки и демократските процеси кои ќе овозможат Бундестагот да донесе позитивна одлука во септември.

Силно сме уверени дека оваа година започнуваме преговори за членство со ЕУ и им се придружуваме на Србија и Црна Гора, изјави премиерот Заев по средбата со канцеларката Меркел во Берлин.

Би можело да ве интересира

ДВ: Макрон го поткопува кредибилитетот на ЕУ на Балканот

Ана Ололовска

САД разочарани од неотпочнувањето преговори на ЕУ со Северна Македонија и Албанија

Ана Ололовска

„Не“ за датум, но ЕУ бара да не се откажуваме и да продолжиме со реформите

Ана Ололовска

Обединети за Македонија: Не ја злоупотребувајте моменталната ситуација за ситни политички поени

Туск ја повика Турција на „вистински прекин на огнот“ во северна Сирија

Меркел жали дека немало консензус за отворање преговори со Северна Македонија и Албанија