Заев: Струмица единствена општина со позитивен ребаланс на буџетот за 32,33 проценти

Од:

На денешната педесет и осма седница, Советот на општина Струмица донесе одлука за измена и дополнување на буџетот на општината за 2012 година.

Со одлуката, буџетот е зголемен за 148 милиони денари, или за 32,33 проценти. Со тоа, според градоначалникот Зоран Заев, Струмица е прва и единствена општина во државата која врши позитивен ребаланс на буџетот по првите шест месеци од годината.

„Владата правеше ребаланс со кратење на 155 милиони евра, а и сите буџетски институции имаат само кратење. Општина Струмица направи ребаланс со зголемување и тоа не било какво зголемување, туку со зголемување од 32,33 проценти“, рече градоначалникот Зоран Заев.

Најголем прилив на средства во зголемувањето на буџетот има од продажбата на градежно неизградено земјиште. Четириесет и три милиони денари ќе бидат потрошени во реализација на проекти на општинската администрација, а за останатите 105 милиони денари, градоначалникот Зоран Заев им предложи на членовите на Советот од сите политички партии, во текот на седницата, да понудат предлози за проекти кои ќе можат да се реализираат во оваа тековна година.

За градоначалникот Заев, „ова е доказ дека Струмица чекори многу понапред од било која друга општина, бидејќи сите пари од зголемувањето на буџетот ќе се искористат за подобрување на животот на граѓаните“.

Сузана Тасева

Би можело да ве интересира

Општина Струмица објаснува за „кривиот“ кружен тек: Важна е функционалноста, а не изгледот

Жарко Настоски

Во голем пожар во струмичко Ново Село изгоре погон за производство на столови

„Струмица-град на културата 2021“ продолжува со концерт „Етно ноктурна-ноќна музика“

Ана Ололовска

„Струмица-град на културата 2021“ продолжува со изложба „Времено време“

Ана Ололовска

Струмичките пожарникари два дена го снабдуваат со техничка вода селото Мемешли

Ана Ололовска

Возачот кој ја прегази Верица Белчовска на пешачки премин доби 15 месеци затвор

Катерина Павлова-Николовска

1 comment

Mr. No 06/07/2012 - 22:42 at 22:42

Браво за Струмица, единствена светлина во Македонски мрак.
Дали е инает, не знам, ама после се што му направија на Заев изгледа само го поттикнаа да работи најдобро што може. Камо да имаше повеќе такви луѓе во Македонија.
ОГРОМНО БРАВО и продолжете така.

Reply

Leave a Comment

ten + 2 =