Лидерот на СДСМ, одговарајќи на новинарски прашања, го повика Ѓорге Иванов да ја повлече аболицијата за случајот “Глобал“.
– Го повикувам Ѓорги Иванов ако постои уставна и законска можност да ја укине аболицијата дадена пред 8 години за случајот Глобал тоа веднаш да го направи. Притоа потенцирам, криминалот во Глобал е само во главата на Никола Груевски. Криминалот во Глобал не постои. Тоа е првото јавно-приватно партнерство во Македонија , првиот проект награден за најдобра практика во Македонија и тоа целото и е познато на македонската јавност. Но уште еднаш , да нема дилема. Ако постои уставна и законска можност, јавно го повикувам Ѓорги Иванов да ја укине аболицијата за случајот Глобал, рече Заев.