Заев-Сера: Историската посета на Мадрид исчекор кон продлабочување на соработката меѓу двете земји

Од:

Претседателот на Владата Зоран Заев денеска имаше средба со амбасадорот на Кралството Шпанија, Емилио Лоренцо Сера, кој го завршува својот мандат во Република Северна Македонија.

– На средбата, беше изразено задоволство од посетата на премиерот Заев на Кралството Шпанија во мај годинава, оценувајќи ја како исклучително важна како прва посета на оваа земја на премиерско ниво, при што беа остварени средби со шпанскиот премиер Педро Санчез и со Пилар Лоп Куенка, претседателка на шпанскиот Сенат, соопштија од Влада.

Премиерот Заев изразувајќи почит и признание, на амбасадорот Лоренцо Сера му врачи благодарница за личниот посебен придонес на амбасадорот кон зајакнување на пријателството меѓу Република Северна Македонија и Кралството Шпанија, како и за континуираната поддршка што Мадрид ја дава за напредокот на процесот на пристапување на нашата земја во Европската Унија.

– Премиерот Заев оценувајќи ги како особено добри и пријателски односите со Кралството Шпанија, подвлече дека граѓаните на Северна Македонија засекогаш ќе ја паметат и почитуваат поддршката и вонредното ангажирање и гестот кој шпанскиот Сенат го направи со овозможување на електронско гласање на Протоколот за ратификација на членството на Северна Македонија во НАТО, во исклучително тешки услови на почетокот на пандемијата предизвикана од КОВИД-19, информираа од Влада.

Двајцата соговорници разменија мислења и за внатрешно – политичката состојба во земјата, согласувајќи се дека ќе продолжи соработката меѓу двете земји со цел јакнење и продлабочување на економски план и интензивирање на размената на искуства од областа на културата, образованието, судството.

Би можело да ве интересира

ВМРО-ДПМНЕ: Граѓаните не може да очекуваат ништо од СДС, ниту од Филипче, кој сака да биде „втор Заев“

Горан Наумовски

Од тандемот Заев-Филипче Македонија и граѓаните само беа понижени и негативно претставени, велат од ВМРО-ДПМНЕ

ВМРО-ДПМНЕ: СДС, Филипче и Заев се синоним за криминал, неспособност и предавства

ВМРО-ДПМНЕ: Заев и Филипче со години наназад ја уништуваа и ограбуваа државата

ЗНАМ: СДСМ и Венко Филипче апсолутно немаат политички кредибилитет, ниту легитимитет да нудат било какви концепти за Македонија

Претседателката Сиљановска-Давкова отповика осум амбасадори