Градоначалникот на општина Струмица, Зоран Заев, денеска оствари средба со Гжегож Рејер, директор на Центарот за култура во Груец, Полска. По размената на промотивни материјали, градоначалникот Заев и Рејер разговараа за досегашната соработка, а ги разгледуваа и можностите за нејзинот продлабочување особено во областа на културата во која и Струмица и Груец имаат богата традиција и перспектива за понатамошен развој.
Општина Струмица и Груец во 2012 година потпишаа Меморандум за продлабочување на соработката во областа на економијата, културата и спортот. Во рамките на досегашната соработка остварени се повеќе средби на различни нивоа во Струмица и Груец.
