Тоа што го направи Ѓорге Иванов е државен удар, да се спречи трансфер на власта, не е ништо друго освен државен удар. Постои предизборно ветување на албанските партии како декларација, за тоа раговараа со Никола Груевски, за тоа разговараа со Зоран Заев. Има програма на Влада, за нас нема платоформи, декларации. Како сега јас да кажам дека Никола Груевски е во „Тиранска влада“? Тоа не е чесно, рече Лидерот на СДСМ, Зоран Заев во интервју на Канал 5.
Ние не сакаме да размислуваме дека Иванов нема да го даде мандатот, новиот претседател на Парламентот ќе му пушти допис на Иванов, со рок од десет дена да го даде мандатот, рече Заев.
Тој кажа дека Талат Џафери од ДУИ е еден од посериозните кандидати, зашто поседува најголемо искуство во работењето на Парламентот.
Да бидеме прецизни, повикот на Груевски за малцинска влада е федерализација. Ако Македонците формираат влада, каде ќе се Албанците? Барем една албанска партија мора да е во власта. Груевски нуди малцинска влада, а зашто да нема мнозинска влада? Од тука се јасни работите, понудата на Груевски е да ја замајува јавноста и да купува време, а да губи време Македонија, рече Заев.
Заврши времето кога може да го лажеме времето, нека дојде Никола Груевски на еден дуел, сите медиуми нека дојдат, да ги отвориме заедно сите прашања. Сите треба да знаат, дека на никој нема да му фали влакно од главата.
Могерини вети дека ќе ги творат претпристапни преговори, само да тргнеме по правиот пат. Лага е дека ќе сме го сменеле името, за тоа може да одлучат само граѓаните на референдум. Лаги се тие на Никола дека ќе ја снемало Македонија и дека ќе сме го сменело името. Може да го снема Никола, но секој мора да одговара пред Законот, рече Заев.