Заев: Не се сомневам дека се злоупотребени парите од Светска банка за модуларните болници

Од:

Премиерот Зоран Заев денеска повтори дека останува на ставот оти ќе ги чека информациите од истрагата за пожарот во модуларната болница во Тетово, па потоа ќе донесе одлука за оставките на двајцата директори на болницата, министерот и заменик министерот за здравство.

– Како што реков, ред е да ја почекаме истрагата. Јас би чекал и секако останувам на ставот на тоа што го соопштив, согласно информациите од истрагата, ќе го соопштам ставот за оставките на директорот на болницата, на економскиот директор, на министерот за здравство и на заменик министерот за здравство, рече Заев на прес-конференцијата во Владата.

Се надева дека истрагата ќе заврши наскоро, заради тоа што, како што рече, граѓаните чекаат да добијат информација за тоа што точно се случило и кои се причините за пожарот.

Околу барањето на опозицијата да биде формирана анкетна комисија за пожарот во болницата, премиерот кажа дека ниту тој, ниту Парламентот треба да истражат еден орган.

– Конзистентни сме во политиките и ставовите што ги градиме. Нека излезе истрагата, нека сработат професионалците и експертите и нека кажат во суштина преку своите извештаи, а секако Парламентот потоа си има право да формира анкетни комисии, да дебатира, да анализира, да укажува, да корегира итн., рече Заев.

Прашан дали има простор за сомнеж за злоупотреба на средства од Светска Банка, тој рече дека ни малку не се сомнева.

– Нема да коментирам, истрага е нормално. Благодарни сме што Светска Банка излезе со ваквите флексибилни алатки навремено за многу земји, така и за нас и да можеме проактивно да реагираме кога граѓаните беа блиску до можноста да останат пред паркинг просторите пред Инфективната клиника. Потоа во инфективните клиники ширум државата да направиме модуларни болници кои се поставуваат времено заради прифат на граѓаните позитивни на ковид и обезбедување на доволни места, апсолутно спецификацијата е таа која е направена, таа е иста спецификација што ја има насекаде во светот, не е ништо поразлично, ја има во многу земји каде ги има истите спецификации и проекти и така е спроведена, со тоа што секако и самата имплементација е така реализирана. Истрагата ќе ги даде сите детали и сите одговори потребни за целото население, заклучи Заев.

Би можело да ве интересира

ВМРО-ДПМНЕ: Заев три пати лаже дека ја разбрал пораката

Заев – Шмид: Претседавањето на С. Македонија со ОБСЕ во 2023 е признание за политиките на соработка и дијалог

Ана Ололовска

Извештајот од Германија за модуларната болница не е доставен, а не се откриваат ни кои се осомничени за пожарот

Кристијан Ландов

Град Скопје доделува парична помош на семејствата на настраданите во пожарот во Тетово

Заев: Шансите за кревање на бугарската блокада ќе се зголемат за 50 проценти по изборите во двете земји

ВМРО-ДПМНЕ: На четири дена пред изборите, Заев дели поткуп на 160 фирми