Премиерот Зоран Заев најави дека до крајот на годинава ќе се одржи лидерска средба на која теми ќе бидат евроинтеграциите, ковид-кризата и други прашања од интерес на граѓаните. На прес-конференција за 100 дена Влада, Заев рече дека очекува лидерската да ја свика претседателот Пендаровски, но ако не биде така тој ќе ја организира средбата на лидерите на партиите.
„Лидерска средба ќе има заради европските интеграции на земјава и состојбата со ковид-19. Исто така почнуваме со проектот за изградба на нов Клинички центар во Скопје и добро е и опозицијата да биде вклучена во еден вакво капитален проект за нашата земја“, рече Заев.