Лидерот на СДСМ Зоран Заев, на денешната прес конференција рече дека Гордана Јанкуловска и Никола Груевски мора да понесат одговорност за прикривање на убиството на Мартин Нешковски. Ги повика полицајците да не дозолат и тие да бидат жртви.
За формирање широк опозициски фронт, Заев рече дека СДСМ веќе ги повика независните интелектуалци за спас на Македонија. Добро е, рече, што се формираат граѓански здруженија за заштита на Уставот.
„Политичките партии се подготвени да ги тргнат и партиските симболите. Се поизвесно е дека ќе се случи огромен сојуз меѓу граѓаните за враќање на слободата и демократијата.
„Ако е упропастена локомотивата, не ги менува вагоните, локомотивата ја менувате. Рибата смрди од главата. Не може промена поради тоа што некој се заморил, а он се мачи. СДСМ ја води внимателно целата постапка на обелоденување на вистината за Македонија. Борбата не ни е за власта, туку да обезбедиме институции за фер избори, за да се врати државата во нормала. Ова го правиме за да овозможиме ова никогаш да не се повтори“, рече Заев.
За изјавата на Црвенковски рече дека СДСМ е разнолика партија во која постои дебата.
„Се навикнавме на автократ во власта. Пораките се за единство и повикот е кон сите граѓани, а апсолутно очекувам секој што го боли за СДСМ да е тука“, рече Заев.