„Ќе победиме во оваа битка оти Македонија е во прашање“, порача потпретседателот на СДСМ Зоран Заев од протестниот марш што синоќа се одржа во Кавадарци.
– Ви ветувам од овде, од центарот на оваа наша убава земја, од Кавадарци кој е симболот на нашиот ресурс, македонското земјоделие, дека имаме вредна цел исправена пред нас, секогаш оние кои веруваат во својата цел, а почнуваат малку по малку и растат на број, сигурно на крајот победуваат.
– Ќе победиме во оваа битка оти Македонија е во прашање. Ако неа ја изгубиме, сме изгубиле се што имаме. Затоа да знае цела Македонија, цврсти и единствени сме сите во целиот Сојуз на иднината на Македонија, водени од цел – водилка, Република Македонија. Таа е нашата цел и ќе ја оствариме, рече Заев.