Заев ја прими новата британска амбасадорка: Наредниот период е значаен за развојот на Македонија

Од:

Претседателот на Владата на Република Македонија Зоран Заев ја прими во посета новата амбасадорка на Обединетото Кралство на Велика Британија и Северна Ирска, Рејчел Галовеј.

Премиерот Заев ѝ посака добредојде на амбасадорката Галовеј и изрази уверување дека таа успешно ќе ги продолжи активностите за натамошно зајакнување на односите меѓу двете земји.

Претседателот на Владата на Република Македонија Зоран Заев ја нагласи исклучително добрата соработка со Обединетото Кралство во повеќе сфери, особено во економската соработка и особено во поддршката што оваа земја го посветува на развојот на капацитетите на институциите во нашата земја, со посебна нагласка на подигнувањето на перформансите на парламентот.

Премиерот Заев ја запозна амбасадорката Галовеј со актуелниот политички момент во земјата со посебен акцент на создавањето најдобри услови за одржување на претстојниот референдум за договорот со Грција како следен чекор кон членството на нашата земја во ЕУ и НАТО.

Амбасадорката на Обединетото Кралство на Велика Британија и Северна Ирска, Рејчел Галовеј, изрази големо задоволство што во наредниот период добива шанса да е присутна во еден исклучително значаен период од развојот на Република Македонија кога треба да се финишираат последните фази од членството во ЕУ и во НАТО, и дека од нејзината земја ќе продолжи поддршката за реализирање на евро-атлантските аспирации на РМ.

Би можело да ве интересира

(ВИДЕО) Николовски: Стратешкото партнерство со Обединетото Кралство ќе ја доведе Македонија до едно ново ниво

Горан Наумовски

Манасиевски: Дали Филипче и Заев имале акции во индиска авиокомпанија и оттаму им се средствата за 50-катница во Дубаи

Катерина Ѓуровски

ВМРО-ДПМНЕ: Договорот со Обединетото Кралство ќе ја трансформира Македонија

Мицкоски: Стратешкото партнерство со Обединетото кралство е втор столб на нашата меѓународна позиционираност

ВМРО-ДПМНЕ: Граѓаните не може да очекуваат ништо од СДС, ниту од Филипче, кој сака да биде „втор Заев“

Горан Наумовски

Од тандемот Заев-Филипче Македонија и граѓаните само беа понижени и негативно претставени, велат од ВМРО-ДПМНЕ