Претседателот на СДСМ, Зоран Заев, по повод Еврејската Нова година испрати честитка до претседателот на Еврејската заедница во Р. Македонија, Берта Романо Николиќ во која се вели:
„Дозволете ми во мое лично име и во името на Социјалдемократскиот Сојуз на Македонија, на Вас и на сите припадници на еврејската заедница кои живеат во Република Македонија да ја честитам Новата година.
Со најискрени желби посакуваме Рош Хашана да ви донесе добро здравје, спокоен и среќен живот, исполнет со разбирање, почитување, меѓусебна толеранција и благосостојба.
Ви посакуваме престојните празнични денови да ги прославите во семеен мир, во согласност со Вашата вековна традиција.”