Лидерот на СДСМ, Зоран Заев, го доби мандатот за формирање влада од претседателот Стево Пендаровски.
„Очекувам дека за најмногу 20 дена од денеска, а може и порано, да добиеме ефикасна влада која ќе се носи со предизвиците од Ковид-19“, рече Заев.
Тој најави дека пред македонското Собрание ќе испорача предлог за влада која ќе биде составена од одговорни и чесни луѓе кои ќе се борат со корупцијата на сите нивоа.
Заев истакна дека програмата на новата влада во најголема мера ќе биде посветена на македонската економија, со акцент на подобрување на животот на најсиромашните граѓани.
„Ќе водам влада која во целост го почитува Договорот од Преспа, Договорот за добрососедство со Бугарија и Охридскиот рамковен договор“, рече Заев.