Заев-Елкин: Има можности за подлабока соработка со Израел

Од:

Претседателот на Владата на Република Северна Македонија, Зоран Заев, денеска се сретна со Зеев Елкин, министер за Ерусалим и заштита на животната средина на Израел. На средбата е изразена поддршка за позитивните промени во нашата држава, реформските процеси, градењето клима на доверба меѓу граѓаните, напредокот во воспоставувањето добрососедски односи.

-Поздравена е изразената храброст и успехот на политичките процеси важни за евро-атлантските интеграции. Во таа насока поддржани се отворените НАТО интеграции на Република Северна Македонија и европските аспирации на државава. Заеднички е констатирано дека сето тоа овозможува дополнително продлабочување на економските односи помеѓу Република Северна Македонија и Израел. Разговарано е и за изразениот интерес од Владата во Израел за подлабока економска соработка со нашата држава како и за поддршка во интеграциските процеси, се вели во соопштението од Владината прес-служба.

Премиерот Заев истакнал дека очекува до крајот на годината да станеме 30. земја членка на НАТО и да ги отвориме пристапните преговори со ЕУ со цел полноправно членство во Унијата.

-Овие процеси за граѓаните и за државата значат стабилност и безбедност, но и економија. Импактот, влијанието врз економијата, од овие процеси е веќе видлив. Странските инвеститори се позаинтересирани за инвестирање во Република Северна Македонија. Во нашата држава се присутни компании од Израел и наша определба е да се развие економската соработка, рекол премиерот Заев.

На средбата се разговарало за можноста за подлабока соработка во областа на земјоделството, туризмот, за примена на искуства од Израел на полето на технологијата, за реализацијата контакти со бизнисмени од двете земји, со цел дополнително мотивирање на соработката.

Израелскиот министер Елкин му се заблагодарил на премиерот Заев за поддршката во одбележувањето на 76-годишнината од депортацијата на Евреите, што се одбележува денеска во Скопје, за одржувањето на значењето на Меморијалниот центар на холокаустот во Скопје, на Ерусалимската патека кај еврејските гробишта во Битола. Премиерот Заев констатирал дека Република Северна Македонија и Израел се пријателски земји кои немаат отворени билатерални прашања и дека низ почитта на културата и традицијата меѓу двете земји, односите може само да се развиваат.

Би можело да ве интересира

Експлозија на Западниот брег, убиена израелска девојка

Нетанјаху и дал одврзани раце на армијата за напади врз ирански цели

Ана Ололовска

Израел го нападнал Ирак со согласност на САД и Русија, тврди арапски весник

Ана Ололовска

ВИДЕО: Сопругата на Нетанјаху го фрли лебот од дочекот во Киев

Ана Ололовска

Тројца Палестинци убиени на границата меѓу Појасот Газа и Израел

Израелскиот крал на дрогата побегна од киевскиот аеродром за време на депортацијата