Заев: Да се воздржиме од посета на црквите и да ја упатиме благодарната молитва во нашите домови

Од:

Денешниот ден, Велики Петок, во пресрет на најголемиот православен христијански празник на победата на животот над смртта, наместо во храмовите да го поминеме дома, во кругот на семејството, порача премиерот Зоран Заев.

– И оваа година да се воздржиме од посета на црквите и манастирите и да ја упатиме благодарната молитва во нашите домови и во кругот на нашите семејства да го дочекаме светлиот ден – Воскресение, кога нашите срца ќе бидат преплавени со вечната светлина и надеж од веста за победата на животот над смртта, и со нова, обновувачка сила да извојуваме победа против искушенијата со вирусот, напиша на својот фејсбук профил Заев.

Ако сепак одлучите да одите во црква, вели Заев во пораката, послушајте ги препораките на свештенството и направете го тоа со најголемо внимание со придржување на мерките за заштита, заради себеси и заради другите.

– Да ја чуваме надежта што ја носи со себе Велигден дека оваа кризна состојба ќе биде надмината и ќе се вратат деновите кога ќе можеме да се собереме во нашите храмови и заедно да се радуваме на Христовото Воскресение, порача Заев.

Би можело да ве интересира

Таравари нема да му се извини на Заев: Слободно нека ме тужи

ВИДЕО: Заев без изјава, Гаши тврди дека нема да разговараат за кадровски решенија

Кристијан Ландов

Нова средба Заев-Гаши за влез на Алтернатива во Владата

Заев-Ламорџезе: Почетокот на преговорите е значаен и за С. Македонија и за ЕУ

Ана Ололовска

На Гаши не му пречи Ковачевски да е мандатар, не кажува кои ресори ќе ги земат од СДСМ

Кристијан Ландов

Нова средба на Заев со Гаши за влез на Алтернатива во Владата