Заедничка обука на специјалните сили на Македонија, САД и на Грција

Од:

Силите за специјални операции на Македонија, САД и домаќинот Грција, од вторникот започнаа заедничка обука за падобранство и скокови од воздухоплови во областа Атика и во Лариса, во рамките на планот и координацијата на Интердисциплинарната команда за специјални операции на Генералштабот на грчката армија.

Од Генералштабот на грчката армија соопштуваат дека „конкретната ко-обука е во рамките на меѓународните соработки на грчките вооружени сили со пријателски и сојузнички земји“ и во рамките на планираните соработки, кои „темелно и континуирано се спроведуваа во последниот временски период, врз основа на целокупниот план на Генералштабот“.

– Целта е да се надгради нивото на соработка, на разбирање и на размена на техничко знаење меѓу силите учеснички, како и дополнително зголемување на оперативните способности и интероперабилноста на силите за специјални операции во сојузничка рамка, пишува во соопштението за заедничката обука.

Од Грција учествуваат припадници на Интердисциплинарната команда за специјални операции, два хеликоптери на военото воздухопловство на армијата и еден авион на воздухопловните сили, од САД припадниците на 10th Special Forces Group, а од Северна Македонија припадници на специјалните сили.

Би можело да ве интересира

Венс: САД нема да испраќаат војници во Украина

Хамнеи: Ситуацијата со Америка е нерешлива

САД ѝ забрани на Украина да користи ракети со долг дострел за напад врз руска територија

Горан Наумовски

Путин: Разгледуваме соработка со САД во областа на енергетиката

Трамп најавува испраќање на Национална гарда во големите градови: Чикаго и Њујорк се следни

Путин: Односите со САД се лоши, но поради Трамп има светлина на крајот од тунелот