Задолжителна вакцинација за вработените во јавниот сектор и за здравствените работници, предлага Комисијата за заразни болести

Од:

Комисијата за заразни болести утринава со консензус донела одлука да предложи нови рестриктивни мерки до Владата, а со цел заштита од коронавирусот. Министерот за здравство Венко Филипче соопшти дека до Владата ќе предложи сите вработени во јавниот сектор и во локалната самоуправа и во сите државни институции за да одат на работното место, да прикажат сертификат за барем една примена вакцина, направен ПЦР тест не постар од 72 часа на своја сметка, потврда за прележан Ковид-19 во последните 45 дена или потврда дека не можат да примат вакцина поради здравствени причини.

Комисијата предлага и вакцината да биде задолжителна за сите здравствени работници.

„Препорачуваме до овие мерки да се приклучат и приватните компании. Ова впрочем го докажува и писмото што ни го достави и Сојузот на стопанските комори, со цел да се заштити целокупниот економски процес во земјата“, рече Филипче.

Тој вели дека овие мерки би стапиле во сила 10 дена откако ќе ги усвои Владата, а здравствените работници ќе имаат рок од 30 дена за да се вакцинираат.

Освен тоа, Комисијата предлага да се ажурира процесот за контрола на сертификатите, од страна на МВР и на инспекторатите, односно преку достапните апликации и QR кодовите на овие апликации да се проверува дали сертификатите што ги приложуваат лицата се валидни.

„Пред нас е зимски период, сезона на грипови, настинки, има пациенти со други болести, не е само ковидот, и од тие причини не можеме да го оптеретуваме здравствениот систем и болниците не можат да се занимаваат само со ковид пациенти“, рече Филипче.

Би можело да ве интересира

Грип, ковид и инфекции на дишните патишта ги полнат амбулантите и болниците

Милошоски: Филипче ќе треба да одговори дали заедно со Заев бил на платен список на омилената и повластена веледрогијата и во МЗ и кај Малмед, д-р Пановски

Филипче: Реверсот не го оправдувам, за да има лек за сите паценти морале да го земаат

Филипче и Меџити ќе бидат сослушани пред Анкетната комисија за скандалот со Онкологија

Филипче и Сали први на распит кај Мизрахи: Анкетната комисија за Онкологија почна со работа

Орце Костов

Се бара истрага за вмешаноста на Филипче на Онкологија: Утре повторно протест пред Влада

А1он