„Во декември месец минатата година се отвори Боемската улица 2, што се протега од улицата „Орце Николов“ до дворот на Градежниот Факултет и има должина од 270 метри, односно се протега на површина од 4000 метри квадратни.
Сакаме да ги известиме сите корисници на паркиралиштата на ЈП Паркинзи на Општина Центар дека паркирањето на оваа улица не е предвидено.
За сите возила кои ќе бидат паркирани на овој простор (освен возилата за дотур на роба) ќе интервенира Пајак службата на ЈП ПОЦ.
Во изминатиот период преку печатен информативен материјал беа известувани корисниците и затекнатите паркирани возила, а во иднина ќе биде поставена и вертикална сигнализација“, соопштуваат од ЈП Паркинзи на Општина Центар.
