На патниот правец Кратово – Пробиштип, околу 100 метри за излез од Кратово, поради обилните врнежи е оштетена една коловозна лента при што е воведена забрана за товарни моторни возила и автобуси, додека сообраќајот за патнички моторни возила се одвива наизменично.
Сообраќајот на сите останати патишта во Македонија се одвива без забрани и застои, по наместа влажни коловози.
АМСМ препорачува внимателно возење, прилагодена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, Кочани – Делчево и Берово – Виница, каде е можна почеста појава на одрони.