Сообраќајот на државните патишта се одвива по влажни коловози, а на некои повисоки места во западните делови од државата со остатоци од кашест снег на коловозот по интервенција на дежурните служби на ЈП Македонија пат, информираат од АМСМ.
Оттаму известуваат дека е воведена забрана за движење на тешки товарни возила на патните правци Дебар – Струга, Велес – Катланово и на планинските премини Плетвар и Ѓавато.
На патниот правец Струга – г.п. Ќафасан (до селото Франгово) поради оштетување на коловозот, брзината на движење е ограничена на 40 километри на час.
Од АМСМ соопштуваат дека забрани за тешки товарни возила се уште има на патните правци крак Маврово-Дебар, крак Стража-Кичево и Тетово-Попова Шапка, каде што има и забрана за автобуси.