Вечерва, од 18:40 часот е воведена забрана за сообраќај за тешки моторни возила на планискиот превој Плетвар, кои немат зимска опрема.
Како што соопшти АМСМ, сообраќајот на државните патишта на некои места се одвива по влажни коловози. Врнежи од снег има на планиските превои Стража и Плетвар, а врнежи со помал интезитет има на Маврово, Попова Шапка, Крива Паланка, Битола и Прилеп.
Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.