Забава со пејачки и танчерки во Гостиварско: Инспекторите го запечатија ресторанот, полицијата го приведе газдата

Од:

Забава со танчарки по маси и пејачки, затекнале пазарните инспектори доцна вечерва во гостиварски ресторан, дознава „А1он“. При контролата која била спроведена, биле затекнати 12 девојки, од кои 5 се странски државјанки.

Ресторанот бил полн со гости, а забавата била веднаш прекината од инспекторите. Во локалот била интервенирала и полицијата, а приведен е газдата кој е спроведен во полициска станица.

Директорот на Пазарната инспекција, Стојко Пауновски ја потврдува акцијата на инспекторите и вели дека го затвориле ресторанот на 30 денови, а ќе поднесат и прекршочна пријава. Инспекторите ќе издадат и платни налози од над 5000 евра како казна за ресторанот каде е правена забавата.

Од МВР нема информации за тоа дали ќе има и кривична пријава, но и како ќе се постапува со петте девојки кои се странски државјанки, а нелегално работеле во угостителскиот објект.

Поради заштита од ширење на коронавирусот, Владата уште пред неколку месеци донесе мерки со кои забрани организирање на прослави во затворен и отворен дел од објектот, како и музички настапи со музички уметници, пејачи, диџеи. Во рестораните е забрането и групирање, а на сила е и ограничување на јачината на музиката во угостителските објекти. Во просторот за послужување на гости каде има поставено маси, мора да се обезбеди растојание од столче до столче од 1,5-2 метри со соседните маси во сите правци. Максимален број на лица на една маса се ограничува на 4 лица.

Би можело да ве интересира

Анета Симеска Димоска именувана за в.д. директор на Државниот пазарен инспекторат

Жарко Настоски

Заев за разрешувањето на Пауновски: Непочитувањето на етичкиот кодекс и инаетењето по медиуми не е одлика на добар директор

Габриела Димковиќ-Мишевска

Пауновски: Одбраната на интегритетот и професионалноста на институцијата не наидоа на разбирање од премиерот

Жарко Настоски

Владата го разреши Стојко Пауновски поради „непрофесионално однесување“

Жарко Настоски

Заев не се откажува од разрешувањето на Пауновски: Каква и да е одлуката, соработката ќе продолжи

Кристијан Ландов

Заев утре ќе се сретне со пазарните инспектори кои бараат да не им го менува директорот

Жарко Настоски