За Русковска да остане шефица гласале 14 обвинители, од 163 кои имале право да бираат

Од:

Вилма Русковска, досегашната шефица на Обвинителството за гонење организиран криминал и корупција, за нов мандат добила поддршка од вкупно 14 обвинители кои гласале на изборите, дознава „А1он“. Според информациите до кои дојдовме, Русковска најмногу гласови добила во скопското Вишо обвинителство односно вкупно 12. По еден, добила во државното обвинителство и Вишото обвинителство во Битола. Право на глас имаа вкупно 163 обвинители од обвинителствата ширум Македонија.

Русковска беше убедена ќе добие поддршка. Во дебатата на „А1он“, таа кажа дека е сигурна 102,5%, исто како што беше сигурна и Деса Пауновска од Гостивар која доби 10 гласови на поддршка. И кога гласаше, попладнево, повтори дека очекува победа, но и дека доколку изгуби, ќе признае пораз.

„Јас знаете што реков кога почнав актуелни функционери да гонам имаше една реченица во ‘Среќна нова 49’, легендарна реченица и секогаш ја споменувам вели ‘Истокот не отпиша, Запад не нѐ запишува’. Значи мене опозицијата никогаш ме немала запишано, а позицијата ме отпиша“, рече Русковска во дебатата на „А1он“ па одговори на тоа што значело нејзиното запишување кај власта која сега ја отпишала.

Себеси, се претстави како безгрешна. Не ги прифати замерките од колегите кои претендираат да ја добијат позицијата дека пречесто била на телевизија и коментирала за дисциплинската постапка.

„Одлично си ја работам работата“, контрираше Русковска.

На прашањето дали камшикот удри по нејзин грб, додаде: „Па не, ако мислите дали ми е загрозен угледот меѓу колегите, мислам не. Напротив мислам дека сега имам поголем поддршка од колегите него што сум имала претходно“.

Обвинителката ако не стане шефица, нема да се врати да биде основна обвинителка, открива во дебатата.

Би можело да ве интересира

Дисциплинска постапка против Русковска и уште две обвинителки

Ана Ололовска

„Се шпекулираше дека ова столче е резервирано за ДУИ, тажно да се каже, но реалноста е таа“, истакнати правници за изборот на Абази

Кристијан Ландов

ВИДЕО: Слики со Абази и челници на ДУИ испливаа во јавност, иако тој тврдеше дека нема контакт со никој од партијата

Кристијан Ландов

Русковска за најавата за кривична од Рашковски: Од што да се плашам?

Кристијан Ландов

(ВИДЕО) Абази за блискоста со Ахмети: Можеби сме се сретнале, дружењето со такви личности не е забрането

Кристијан Ландов

(ВИДЕО) Новиот шеф ветува транспарентност, прашан кои се надлежностите на ОЈО-ГОКК вели: „Не сум на испит“

Кристијан Ландов