Сто и двајца возачи се казнети за непрописно престигнување вчера при акциска контрола на полицијата на територијата на целата држава.
Министерството за внатрешни работи соопшти дека најголем број од нив се од територијата на СВР Охрид и СВР Тетово, каде што се изречени 30 односно 27 санкции.
– Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, наведува МВР.