За Ковачевски ставањето карти со Голема Албанија е потег задоцнет 145 години

Од:

Ставањето на картата на Голема Албанија е задоцнето најмалку 145 години, изјави премиерот Ковачевски, одговарајќи на новинарско прашање за музејот кој викендов беше отворен во кумановското село, а во кој беше поставена мапа на голема Албанија.

-Таквите настани со право предизвикуваат бура од реакции кај граѓаните. Ако добро пресметав утрово, ставање на таа карта е задоцнето 145 години и ако по нешто, може да се отслика, какви биле односите на Балканот пред толку години, се такви слични карти кои секоја држава на Балканот ги има, рече денеска премиерот, одговарајќи на новинарско прашање.

За настанот кој што се случи изминатиот викенд, претседателот на Владата порача дека се работи за приватен имот и секако тоа подлежи на законски решенија.

-Сметам дека ние тоа што го имаме денес како општество, не ги прави релевантни таквите мапи. После влегувањето во НАТО имаме други мапи кои што се важни, а тоа е мапата на државите членки на НАТО, како и мапата на обединета Европа, која ја очекуваме, соопшти Ковачевски.

Лидерот на ДУИ Али Ахмети викендов во Сопот отвори музеј во кој главен експонат е знаме со карта на Голема Албанија со делови на Македонија, Србија и Грција. Истата картата е изгравирана и на мермерна плоча пред влезот на самиот објект.

Би можело да ве интересира

Спасовски и Ковачевски од Македонија направија Колумбија, криминалците со кои се сликаа се убиваат обвинува ВМРО-ДПМНЕ

Ковачевски: Успеавме просечната плата да ја издигнеме на 40.000 денари

Ковачевски смета дека нов закон нема да помогне за продолжување на рокот на пасошите

Николоски: ВМРО-ДПМНЕ не прифаќа уцени, Груби и Ахмети сакаат вечно да владеат

Ахмети: Изборот на претседател во Собрание е за поголема консензуалност и помалку трошење буџетски средства

Горан Наумовски

Ахмети: ДУИ по изборите ќе соработува со партиите кои ќе ја прифатат нашата платформа

Горан Наумовски