Територијалната професионална противпожарна единица на Струмица во изминатата недела имала 15 интервенции. Гаснењето на запалени оџаци се уште е најчестата интервенција.
Со возила и пожарникари се интервенирало кај вкупно шест запалени оџаци на индивидуални семејни куќи, во четири случаи се гаснел запален отпаден материјал, а се интервенирало и во гаснење на опожарен стан во колективна станбена зграда, опожарен дел од индивидуална семејна куќа, опожарени кујнски елементи и опожарена депонија. Најголем дел или дванаесет интервенции биле во градот, а останатите во населените места Градашорци, Сарај и Добрашинци.