Српскиот претседател Александар Вучиќ на денешната средба со шефот на делегацијата на ЕУ во Белград, амбасадорот Сем Фабрици, имаше разговори за европските интеграции на Србија и за дијалогот со Приштина.
На состанокот Вучиќ истакнал дека Србија е посветена на регионалната соработка, додавајќи дека во таа насока, состанокот овој викенд во Охрид ќе ги дефинира приоритетите на таа соработка, со цел јакнење на регионалната соработка.
Тој нагласил дека Србија мора да продолжи со европскиот пат и оти затоа е важна поддршката на ЕУ во спроведувањето на реформи и на регионалната соработка.
Амбасадорот Фабрици изразил поддршка на европскиот пат на Србија и ја истакнал важноста од поддршката на ЕУ, како во поглед на реформите, така и за регионалната соработка.
