Вучиќ изрази сочуство до Силјановска – Давкова: Ќе испратиме хеликоптери и медицински тимови

Од:

Српскиот претседател Александар Вучиќ изрази сочувство до претседателката Гордана Силјановска-Давкова за трагичниот пожар во дискотеката во Кочани.

„На претседателката Гордана Силјановска-Давкова и изразив искрено сочувство по повод страшната трагедија во Северна Македонија, која длабоко ги погоди не само луѓето во таа земја, туку и сите нас во Србија кои сочувствуваме со семејствата на жртвите и со целиот народ на оваа братска земја“, напиша Вучиќ на Инстаграм.

„Понудив, во име на Србија, а претседателката на Северна Македонија прифати, да испратиме хеликоптери и други медицински транспортни средства, медицински тимови, како и да примиме во болниците во Србија голем број од повредените во трагедијата во Кочани“, додаде тој.

На крајот од објавата на Инстаграм српскиот претседател наведе дека „ Ја информирав претседателката дека Србија ќе го прогласи 18 март за Ден на жалост за трагедијата и изразив уверување дека народот на братска Северна Македонија, со силата и солидарноста што секогаш ја покажувал, ќе успее да ја надмине оваа голема трагедија и да најде начин да закрепне“.

Би можело да ве интересира

Лончар: Во Србија пристигнуваат уште 12 пациенти од Македонија

Предраг Петровиќ

МНТ ги откажува сите изведби до 22 март, поради трагедијата во Кочани

Вторник е ден на жалост во Србија поради жртвите во Кочани

Зајкова: Тежок и траорен ден за Македонија – искрено сочувство до семејствата на настраданите во Кочани

Вучиќ изрази сочувство за трагедијата во Кочани: Србија е секогаш со своите пријатели, подготвена да помогне

Предраг Петровиќ

(ВИДЕО) Трагедија во Кочани: Се запали дискотека, има жртви и многу повредени

Катерина Ѓуровски