Кандидатурите за градоначалници кои огранокот на партијата во Струга треба да ги испрати до централата во Мала Речица до понеделник за зовреа атмосферата во ДУИ.
Како што велат партиски извори за А1 на седницата на локалното претседателство која се одржала синоќа единствено свои кандидатури поднеле актуелниот струшки градоначалник Рамиз Мерко кој е и претседател на огранокот на ДУИ во Струга и неговиот потпретседател инаку поранешен директор на затворот во Струга, Мурат Љумани.
Кандидатируте и на двајцата биле како самостојни, иако статутот на партијата предивудавл дека кандидатури треба да пристигнат и од подграноците на партијата, што кај дел од членството предизвикало големи реакции поради наводното непочитување на статутот на партијата велат нашите извори.
Градоначалнички амбиции неодамна пројави и поранешниот министер за образование Азис Положани, а во последниот период се споменуваше и името на пратеникот Арбен Лабуништи. Партиски извори од ДУИ велат дека на овој начин Мерко сака на мала врата да ја протне својата кандидатура за градоначалник и пред време да се прогласи како кандидат на ДУИ, иако наредбата од Мала Речица била дека ограноците до централата треба да испратат неколку предлози за кандидатури.
Неофицијално и Положани и Лабуништи до понеделник или некој дополнителен рок кој што ќе го даде раководството ќе испратат свои кандидатури за градоначалници. Сепак главната битка во ДУИ за Струга ќе се води помеѓу Мерко и Положани. Како што објавивме неодамна зад Положани стои интелектуалното крило во партијата, а зад Мерко Рафиз Алити и Гзим Острени