Шоферот на Зоран Заев подметнува пожари, Македонија гори, а СДС и нивните апологети креираат атмосфера на паника, тоа е планот на СДС кој пропадна вчера. Ова е фотографија од која се гледа шоферот А.Н. како е дел од најтесниот круг на Зоран Заев. Заев лаже кога вели дека А.Н. не му бил шофер, рече на прес конференција пратеникот на ВМРО-ДПМНЕ Миле Лефков покажувајчи ја фотографијата.
– Од оваа фотографија, се гледа дека токму потпалувачот на пожари е дел од кругот на Заев кога тој ги предаваше бомбите во СЈО и кога по кажувања на нему блиски се опкружил само со проверени луѓе.Ако А.Н. бил проверен човек на Заев, и лице од највисока доверба не може, а да не прашаме по чија насока дејствувал сега кога ги палел пожарите? Венко Филипче не може да излезе од ова. Венко Филипче има само една опција, да се огради од Заев и да го осуди палењето на пожарите кои ги прават нему блиски лица. Доколку Венко Филипче продолжи да молчи, само ќе потврди во целост, дека тој е едно со Заев, дека ја спроведува неговата политика и неговата агенда, рече Лефков.