Сообраќајот на сите магистрални и регионални патни правци низ државата се одвива непречено, по наместа влажни коловози.
Појава на магла со видливост до 100 метри има на планинскиот премин Буково. Слаб снег провејува на Попова Шапка, Маврово, Стража, Ресен и Буково, но не претставува проблем за одвивање на сообраќајот.
Сообраќајот кој поради голем одрон на патниот правец Скопје-Велес се одвиваше по една коловозна лента е нормализиран и се одвива без забрани, застои и ограничувања. АМСМ препорачува внимателно возење, прилагодена брзина на движење и почитување на поставената сообраќајна сигнализација. Посебно да се внимава на делниците кои минуваат низ клисурите и засеците каде можна е почеста појава на одрони, особено на патните правци Маврово-Дебар-Струга, Демир Капија-Удово, Кочани-Делчево и Берово-Виница кои можат да го попречат движењето на возачите. Дежурните екипи на ЈП Македонијапат се на терен и редовно ги контролираат и одржуваат проодни сите патни правци.
Интензитетот на сообраќај на патните правци надвор од градските средини е умерен. На граничните премини нема подолготрајни задржувања за влез и за излез од државата.