Возач на камион од Македонија кој во Унгарија доживеал мозочен удар денеска е префрлен во Македонија на лекување во медицинскиот хеликоптер. Човекот бил во индуцирана кома во болница во Сегед, а неговто семејство од ЦУК побарало транспорт во Скопје.
– Во телефонскиот контакт со ќерката на болното лице, беше добиена информација дека било стапено, од нејзина страна, со надлежните медицински установи во Македонија, од каде што и посочиле дека е потребен безбеден транспорт и интензивна подолготрајна нега. Притоа, на барањето е одговрено веднаш и по создавањето услови за безбеден транспорт, тоа е реализирано од страна на Хеликоптерската единица на МВР со хеликоптерот „бел“ 412, во содејство со Министерството за здравство денеска информираат од Центарот за управување со кризи.