Едно лице го загуби животот рано изутрината на железничката пруга на излезот од Прилеп.
Според СВР Битола, до несреќата дошло околу 4 часот изутрината кога патничкиот воз кој сообраќал на релација Битола-Скопје, само што излегол од железничката станица од Прилеп во близина на прилепската млекарница, прегазил човек.
Возот удрил во човекот кој починал на лице место. Од МВР велат дека лицето се уште не е идентификувано.
Увид на местото на железничката несреќа направиле полицијата и истражен судија.