Воведен бесплатен градски превоз за прилепските пензионери

Од:

Советот на Општина Прилеп денеска ја одржа 8. седница на која најголемо внимание предизвика одлуката за воведување бесплатен јавен градски превоз за прилепските пензионери, односно за жени со навршени 62 години и мажи над 64-годишна возраст.

dobivaj vesti na viber

„Советот донесе одлука за ослободување од плаќање за градски превоз во автобусите на ЈП за ПУП за сите пензионери, односно за жени со навршени 62 години и мажи со 64 години, и тоа секој работен ден од 9 до 11 часот. Советниците исто така ги донесоа извештајот за работата на Советот во претходната 2017 година и програмата за работа во тековната 2018 година. На денешната седница го изгласа и финансискиот план за работа на ЈОУ детски градинки ‘Наша иднина’, ги усвоија плановите за вработување во 2018 година на ЈОУ дом за стари лица ‘Киро Крстески-Платник’ и градската библиотека ‘Борка Талески’“, изјави претседателот на Совет на Општина Прилеп, Миле Талевски.

Советниците ги усвоија програмите за работа на ЈКП „Комуналец“, ја усвоија одлуката за утврдување критериуми и стандарди за поставување урбана опрема на подрачјето на општината, а беа именувани и претставници на Општина Прилеп во општинските основни училишта во Прилеп и населените места.

Членовите на општинскиот Совет од редовите на ВМРО-ДПМНЕ и коалиционите партнери ја напуштија денешната седница во знак на, како што рекоа, поддршка на притворените од настаните на 27 април. Тие не дадоа одговор на прашањето на претседателот на Советот, Миле Талевски, дали со напуштањето на седницата се откажуваат и од советничкиот надоместок.

Според Законот за локална самоуправа, висината на месечниот паушал што го земаат членовите на Советот на Општина Прилеп изнесува 70% од просечната плата во Република Македонија, исплатена за последниот месец или околу 15.000 денари.

Би можело да ве интересира

ВИДЕО: Прилепчанка продава куќа на бугарски писател за минимум 100.000 евра, желба и е да ја купи Бугарија

Орце Костов

(ВИДЕО) Стевананџија: Инвестициите на Министерството за образование во прилепските училишта на историски највисоко ниво

Прилепчанка заврши во болница откако е удрена од автомобил

Прилепски малолетници пиеле алкохол во угостителски објекти

Горан Наумовски

Удар од гром предизвикал пожар во Прилеп, целосно изгорени четири куќи

Катерина Павлова-Николовска

При контроли во Прилеп проведени две лица и констатирани неправилности во угостителски објект