Чудниот знак во полето во Расадникот кај селото Таринци и денеска е топ тема меѓу штипјани. Измама, герила маркетинг или нешто друго сите се прашуваат.
Интерсно е дека на својата официјална веб страница соопштение објавиле и од Универзитетот „Гоце Делчев“ во Штип. Во него се вели: – Додека медиумите дебатираа за потеклото на оваа појава, Универзитетот „Гоце Делчев“ – Штип пак констатираше уште невообичаена коинциденција. Имено, формата која случајно или не е отсликана во штипското село е идентична со логото на Лабораторијата за заштита на растенијата и животната средина која функционира во состав на Земјоделскиот факултет при Универзитет „Гоце Делчев“ – Штип“, напишале од универзитетот.
Засега од универзитетот се без коментар дали тие имат нешто со чудниот знак во полето, но велат дека отсликувањето на формата која е идентична со ова лого е интересна афирмација за Лабораторијата.
Виолета Кожинкова