Советот на општина Охрид во моментов одржува вонредна седница, со единствена точка на дневен ред – предложената одлука за исплаќање на долгот на Основното училиште „Григор Прличев“ кон ЕВН за потрошена електрична енергија.
Најголемото основно училиште во градот од минатата седмица е без струја откако поради неподмирен долг кон ЕВН објектот беше исклучен од електричната мрежа, а наставата веќе неколку дена се одвива во незагреани училници и со скратени часови од осум до 13:30 часот.
Локалната самоуправа претходно информираше дека води разговори со доверителите лиии побарувања изнесуваат над осум милони денари во имотно-правен спор со училиштето стар 25 години.
Во ОУ „ Григор Прличев“ наставата ја следат 1.100 основци.
