Водостопанство „Брегалница“ Кочани бара рационално да се користи водата од хидросистемот

Од:

Водостопанство на Македонија подружница Кочани апелира рационално да се користи водата за наводнување од хидросистемот „Брегалница“ во екот на сезоната за наводнување на полињата.

Според раководителот на подружницата „Брегалница“ Николчо Гоцев, поради високите температури има зголемена потрошувачка, но и одделни водокорисници и понатаму продолжуваат со несовесниот однос кон користењето на водата, за што се започна со поднесување на пријави за да се спречи злоупотребата на водата од системот.

– Од направениот увид на терен на повеќе места има злоупотреба на водата до тој степен што несовесни земјоделци вршат наводнување и на стрништа, односно ниви кои се веќе ожнеани за да можат полесно да ги ораат. Сето тоа е евидентирано од наша страна и веќе имаме поднесено и пријави. Треба да разбереме дека оваа вода е за сите земјоделци не е само за поединци и не треба да бидеме себични, изјави Гоцев.

Прецизира дека во моментов десниот магистрален канал е во целосна функција со максимален капацитет и по него секојдневно се испорачува 11,5 метри кубни вода во секунда.

– Вода по десниот магистрален канал пуштаме со максимален капацитет и тече до крајниот потрошувач, но со проблеми. Во ноќните часови несовесните корисниси самоволно ги уништуваат вратите од каналскиот систем и испуштаат големи количини на вода и затоа со полиција вршевме обиколка да ги фатиме. Ако навреме не се преземе нешто ќе имаме големи потешкотии, посочи Гоцев.

Засега, додаде, проблемите се мали, но ако се продолжи со ова темпо на злоупотреба и ненаменско користење на водата, како и со присуството на високите температури, неизбежни ќе бидат големите проблеми околу наводнувањето.

Би можело да ве интересира

Туск: Русија и Кина би можеле да бидат подготвени за конфронтација со Западот веќе во 2027 година

Кинеската економија порасна во вториот квартал од 2025 година благодарение на силниот извоз

Компанијата што стои зад куклата Лабубу остварува неверојатен профит

А1он

Трамп: Верувам дека Кина ќе почне да ги осудува луѓето на смрт за производство на фентанил

Руте: Земји како Бразил, Кина и Индија би можеле да бидат силно погодени од секундарни санкции

Реакција на Кина на ултиматумот на Трамп: „Ја зајакнуваме поддршката за Русија“