Водата во Струшкиот регион е безбедна за пиење

Од:

Зголемената матност на водата за пиење во Струшкиот регион не преставува опасност за здравјето на граѓаните, велат од Регионалниот центар за јавно здравје.

Според Сашо Точков, специјалист по санитарна хемија броматологија, анализите на водата во градскиот водовод и во селските водоводи од почетокот на годинава покажале дека постои поголема матност на водата за пиење, заради што била алармирана и Агенцијата за храна.

– Матноста може да доаѓа и од самото количеството на вода кое е поголемо и кое навлегло во резеровоарите од каде што се обезбедуваме со вода за пиење. Но сите други индикатори, микробиолошки и хемиски покажаа дека водата е здравствено безбедна и квалитетна за пиење. Матноста е физички параметар и ни претставува како индикатор за да пристапиме кон подлабоки испитувања, кои покажаа дека нема опасност од загадување на водата за пиење, објаснува Точков.

Од Регионалниот центар за јавно здравје апелираат до стопанисувачите со селските водоводи во Струшкиот крај, редовно да користат хлор или други средства за дезинфекција за да не дојде до загадување.

– Нередовното користење средства за дезинфекција на водата е акутен проблем којшто постои со години наназад, не само во Струшкиот, туку и во Охридскиот и Дебарскиот крај, додава Точков.

Би можело да ве интересира

Поднесено обвинение за Мерко: Назначил в.д директор на училиште кое не ги исполнувал условите

Орце Костов

Мијалков излегува порано од затвор, Апелација го врати предметот „Империја“ на повторно судење

Орце Костов

Опожарена трска на струшкото крајбрежје

Мерко молчи по двете поднесени обвиненија, во обвинителствата против него има уште 14 активни предмети

Александар Тодески

Кривичен го препрати предметот против Мерко во струшкиот суд: Не биле надлежни тие, туку судот во чие подрачје се извршило делото

Во Струга пронајдена почината жена