Во 2013-та година го победив кандидатот на СДСМ со 11 илјади гласови разлика, но не пратив никого да ги тепаат.
Сега кога јас уште вчера во 21 часот, по 40% преработени гласови го признав поразот тие тргнаа да ме тепаат, рече поранешниот градоначалник на Карпош, Стевчо Јакимовски.
– На минатите избори по мојата победа тие ми се закануваа мене, на моите деца, ми го отруја кучето, ми ставија венец и ми запалија свеќа пред мојот дом и ми пишуваа „Почивај во мир Стевчо“, додека ние сега достоинствено го признавме поразот, кажа Јакимовски.
Тој кажа дека според Законот трите лица кои вчера ги нападнаа членовите на ГРОМ, треба да одговараат кривично, а не прекршочно.
Доколку не се случи тоа СДСМ ќе потврди дека се заедно со криминалците и дека понатаму ќе вршат насилие.
– Доколку овие лица не се гонат кривично ова значи дека СДСМ им дава живот на криминалците, рече Јакимовски.
Виктор Јованов