Граѓаните на Република Македонија влегуваат во период кога се обединети за стратешката иднина. Помирувањето тргна од Собранието, да дозволиме да продолжи во другите институции, рече премиерот Зоран Заев по средбата со заменик-помшник државниот секретар на САД, Метју Палмер.
– Средбата со Палмер дојде во важен момент, само неколку дена по исчекорот кон иднината. Одлуката на 80 пратеници има историско значење. Оваа одлука ја потврди евроатлантската определба на Македонија. Храбрите пратеници го спречија ризикот од нова изолација, која ќе беше страшна овој пат, рече Заев.
Тој додаде дека вредностите на ЕУ и НАТО се и наши вредности и оти сите сојузници ја поздравиле државничката одговорност на пратениците.
Виктор Јованов