Членството во НАТО и ЕУ е стратешка определба и врвен национален интерес. Над 90% од тие што гласаа се за тоа и треба да се почитува нивната одлука, преку гласање во Собрание, рече на потпретседателка на Собранието на Република Македонија и потпретседателка на СДСМ.
„Откако Владата најави дека доставува предлог, ги пивикувам сите пратеници да преземат одговорност за иднината на државата. Сите пратеници, вклучувајќи ги и од ВМРО-ДПМНЕ се должни да ја следат мнозинската волја на граѓаните. Ги повиквам сите да го поддржат процесот во Собранието и да гласаат за уставните измени. Никој да не се надева на амнестија. Доколку раководството на ВМРО-ДПМНЕ и натаму блокира, останува само да одиме на избори веднаш“, рече Ременски
„Согласно Деловникот, останува на претседателот на Собранието ќе ја закаже седницата, по завршувањето, очекуваме деновиве да се знае динамиката. Не можам експлицитно да одговорам дали го имаме потребното мнозинство, но фактот дека се пристапува кон измени на Уставот значи потенцирање на одговорноста на пратениците да пристапат кон почитување на волјата на мнозинството кои гласаа на референдумот. Не сметам дека Собранието треба да пристапува кон организирање на тајни гласања, бидејќи сите треба да застанеме пред сопствената одговорност за тоа каква иднина сакаме“, додаде Ременски.
Галена Николовска Ризвановиќ