(ВИДЕО) Дончев за смртта на малата Ева: Стапивме во контакт со германската болница, но не добивме понуда за лекување

Од:

Директорот на Фондот за здравствено осигурување Ден Дончев, на денешната прес-конференција на која ја образложи процедурата за лекување во странство за случајот со Ева Крстановска, рече дека стапиле во контакт со германската болница но оттаму не добиле никаква понуда за лекување и со оглед на тоа од стручната служба на ФЗОМ не можеле да ја одберат таа болница.

Како што рече Дончев, до ФЗО пристигнале вкупно три понуди за лекување, две од Турција и една од Италија, откако барателот, односно семејството на Ева, на 25.06 доставило барање до Фондот.

„ФЗО е законски обврзан да донесе одлука во рок од 48 часа за болницата каде што ќе се лекува пациентот. Ние тоа и го направивме. На 28.06 ја донесовме одлуката Ева да се лекува во турската болница каде што со издвоените средства од 145 илјади евра требаше да се изврши трансплантација на коскена срцевина и хемо-терапија“, рече Дончев.

Семејството на Ева ја одбило оваа понуда од ФЗО по што приложило приговор до Фондот.

„Службите од ФЗО излегоа во пресрет на барателот и стапија во контакт со германската болница „Униклиник Гисен“, но оттаму повторувам не добивме никаква понуда“, рече Дончев по што додаде дека шпекулациите за цената за лекувањето во Германија од 200 илјади евра не се точни.

Тој истакна дека при целата процедура се запазени сите законски постапки и дека од сите три понуди не е избрана најевтината.

Прашан дали чувствува одговорност, Дончев рече дека прашањето е тенденциозно.

„Ова е трагедија, лично сочувствувам, прашањето дали чувствувам одговорност е тенденциозно, Ева беше во многу тешка, животно-загрозувачка состојба“, рече Дончев.

Виктор Јованов

Би можело да ве интересира

Владата со препораки за работодавачите за топлотниот бран

Горан Наумовски

Владата донесе одлука: Ќе има покачување на пензиите

Горан Наумовски

Владата не даде согласност за вработување на 155 медицински сестри во тетовската болница, велат од ДУИ

Горан Наумовски

Собранието ќе одлучува за дополнетиот ребаланс на Буџетот одобрен од Владата

ВМРО ДПМНЕ: Владата привлекува странски инвестиции и отвора нови работни места

Владата ќе гради Мултифункционален научно-технолошки парк