Продолжува трендот на намален број на новозаболени лица од коронавирусот во државата. Според вчерашните податоци објавени од Министерството за здравство, регистрирани се 15 нови случаи, а нема починати лица.
Во текот на деноноќието меѓу вторникот и средата направени се вкупно 2.550 тестови, а вкупниот број на активни случаи во државава вчера изнесуваше 234.
На вакциналните пунктови во државата и на терен, вакцинирани се вкупно 467.822 граѓани.
Според податоците, досега прва доза примиле 3.686 граѓани, аплицирани се 760.961 дози вакцини, а втора доза примиле 293.139 граѓани.
Според последните бројки, барем една доза вакцина имаат примено 60 отсто од населението над 70 години, 58 проценти од граѓаните над 65 години, 53 отсто од оние над 60 години и 43 проценти од лицата над 50 години, информира Министерството за здравство.
Веб-страната vakcinacija.mk е отворена за закажување на термини за вакцинација на децата.
Тетово – Селце, Вејце, Лавце
Гостивар – Дебреше, Врањовце
Ресен – Горнa Бела Црква, Долна Бела Црква, Сопотско, Козјак, Евла, Горно Дупени, Болно
Штип – Калаузлија, Јунузлија, Парналија, Кучица
Свети Николе – Малино, Преод
Струга – Корошишта
Ростуше – Требиште, Велебрдо
Струмица – Муртино, Габрово
Неготино – Бесвица, Барово
Пробиштип – Плешенци
Кочани – Тркање
Кичево – Г.Строгомиште, Д. Строгомиште
Битола – Добромири, Д.Агларци, Г.Агларци, Делбеговци, Дедебалци, Путурус, Црничани, Добрушево, Алинци, Мусинци, Мојно, Ношпал
Охрид – Рамне, Велестово, Рача, Шипокно, Коњско, Елшани, Лагадин
Македонски брод – Лаг, Калуѓерец, Могилец
Велес – Виничани, Ногаевци, Водоврати, Кочилари
Скопје – Драчево, Батинци
Берово – Ратево
Досега во земјата се направени вкупно 935.282 тестирања на Ковид-19. Вкупниот број Ковид-дијагностицирани лица во земјава од почетокот на епидемијата изнесува 155.965, бројката на оздравени пациенти е 150.243 а починати се 5.488 лица.